ثقافة اولا عوايد اولا تخارف

Hand_of_Fatima_Silver_Pendant__21581.1409468310.1280.1280

مني كنتزادو و حنا كنسمعو شي هدرا و شي اراء مكتبغيش تدخل للراس… و كنبقى نتساءل واش داكشي ثقافة كيفما كيكولو ولا عوايد ولا تخارف

شي ليلة مكتنعسش مزيان و كتصبح معنز و مقادش تحرك عنقك : ايوا عنق جرو وغادي فوتك لحال

اذا خرجتي بليل و تلاقيتي قطة كحلة متشوفش فيها راه فال خايب

: وكتار هوما لحوايج باش كنديرو لفال

مني كتدخل لكوزينا بالليل خاسك متكبش لما سخون فلقرقارة ومتصبنش بالليل

مني تشري دار خاسك تفرش واحد صالون طويل عريض و ميدخل ليه حد تتكون شي مناسبة للي غالبا مكاتكون غير شي موت حيت لعراسات ولاو غير فلقاعات

مني كتمشي تشوف شي مريض كتدي دانون ولا البنان وخا تكون ممنوعة عليه الماكلا اما ثقافة الورد والشكلاط هادي عاد دخلت للبلاد.

اذا مشيتي تعزي خاسك تدي للناس السكر ولا كرتونة ديال الزيت ولا عتيهوم فلوس

اما اذا كنتي مرا حاملة تما بقيتي متحكيش اذا تشهيتي شي حاجة دبا تخرج فولدك و اذا ولدتي خاسك تحزمي راسك ولا غادي دخل ليك لبرد و كولي لمسمن ولمخامر حيت كايديرو لحليب

اما لي كتسالي معايا هيا ديك لعوايد مني كيمشيو لعيالات لمقابرها لي كتسقي لقبر و لي كتدير زلافة فيها الزهر ولي كاتدي تمر وشريحة كارمين باش تفرقهوم

في لعراسات كتلقى النكافة تابعة العريس باغا “البياض” والجوق كايبقى يغني على شي حد حتى كيعلق ليه شي بركة عاد تيبدل الاتجاه لشي حد اخر. اما الناس فتيبقاو تال صباح باش ياخدو تمر و شباكية وخا عاد كلاو كاتو كلاسي والعريس والعروسة تيمشيو اتصوروا حدا العمالة او النافورة ديال المدينة.

في العيد الكبير كاينين الناس لي تايجيبو الحاولي ايام قبل وتيكحلو ليه عينيه وديرو ليه الحناء تكول عروسة

الحاصول، تيكولو ناس زمان

كاين اللي فمو جاب ليه ثمرة

وكاين اللي جاب ليه جمرة

وكاين اللي فمو جاب ليه خبزة

وكاين اللي جاب ليه دبزة

والله يخرج هاد الهدرة على خير…

What do you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s