نتينا بنت من؟

ما عنديش مع العنصرية! بكل أشكالها وأنواعها ودرجاتها. واحد النهار عمرها ما تنسى ليا، واحد الكلاس مايت عرضات عليا للفطور مع طبقة ديال الأصدقاء هي والعائلة ديالها، بارك الله فيهم رحبوا بينا و تهلاو فينا. اللي قلقني شويا – هو في الحقيقة بزاف ديك الساعة – هو واحد السؤال ماكنتش كنتوقعو. “نتينا بنت من؟” أنا ما مولفاش هاذ النوع ديال الأسئلة، ماعرفتش آش نجاوب. فخاطري قلت أنا بنت ماما و بابا. كاين شي حد آخر مشارك في اللعبة؟؟ فكرت في الأمر، وبسرعة عرفت المغزى من السؤال . زعما الآصل و العائلة. و المهم هو الإسم باش نتكلاصا: إن أور آوت. بما أن الإسم العائلي لا يدخل في التصنيف ديال توب هاندرد موروكن فاميلي نايمز، اكتفيت بالشرح أني من أصول أمازيغية صحراوية رودانية. داكشي مرون…المهم مغربية. هو في الحقيقة تقلقت في الأول، أنا نقول لراسي واش مازال الناس كايستعملوا هاذ التصنيف الطبقي!! من بعد تأسفت لهذه العقلية المريضة. فكراتني في يامات ماري أنطوانيت.

marie antoinette

كيفما قلت في الأول، هناك أنواع من العنصرية ولا أتحمل الصغيرو ولا الكبيرة منها واللي تيعرفني مزيان غادي يأكد. كلمة عزي و لوين و كحل و بلاك ماعنديش معاهم. فلا فرق بين عربي ولا اعجمي لا ابيض لا اسود إلا بالتقوى. هادي أمثلة بسيطة، بلا ماندوي على العنصرية المتعلقة بالحجاب. كانلقا مشاكل مع كحل الراس و ماشي معا البراني!! هادي بان ليا خاصها تدوينة بوحدها… المهم، غدا النڭير!

One comment

  1. “Le Marocain a une très mauvaise opinion de lui-même. Le Marocain s’automéprise, se sait et se sent corrompu, corrupteur, menteur, servile, calculateur, hypocrite, faux, opportuniste, écrasé, n’ayant aucun droit… non-citoyen en un mot. Comment voulez-vous que quelqu’un qui se perçoit ainsi, qui se sent ainsi, arrive à s’aimer ? Il y a un refus perpétuel de soi, refus qui débouche sur le refus de l’autre Marocain, semblable. Ne pas s’aimer soi-même renvoie à un profond sentiment de frustration et relève de privations diverses. Il en découle des comportements agressifs, au quotidien, qui vont de la simple incivilité ou impolitesse, à l’agression verbale et physique.”

    Once the nguir stops then there will be no racism

    Like

What do you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s